د.الحجيري : ، في زمن اخبار الموت المفاجئ عند الشباب ضروري نقدر "نلقط" التسارع !
قال الدكتور محمد الحجيري استشاري كهربة القلب ان التسارع البطيني VT و هو من اسباب الموت المفاجئ… واضاف في ادراج له عبر الفيسبوك :-
شاب عمره ٢٦ سنة كان يضل يحس بقلبه عم بتسارع… راح عند اكتر من حدا بس ما انعرف السبب لانه التسارع كان يصير كل كم شهر، و ما انلقط على اجهزة المراقبة القلبية (الهولتر) الي في الاردن ممكن تمتد لكم يوم فقط ماكس اسبوع.
ضل الوضع هيك و ناس تحكيله "سترس" او "عصب حائر" حتى يوم صارت معه و هو قريب من الطوارئ، و راح المستشفى و فعلا كانت تسارع بطيني VT و هو من اسباب الموت المفاجئ! شافه حد من زملائي الاحبة و حوله لعندي.
هاد الاسبوع عملت له عملية كي لرجفان بطيني جاي من البطين الايسر و الحمدلله اموره تمام.
في زمن الكورونا و التهاب القلب و لخبطة كهربة القلب الي بتصير، و اخبار الموت المفاجئ عند الشباب كتير ضروري نقدر "نلقط" التسارع ! احيانا الهولتر العادي بيعطي اطمئنان زائف! و مع اخبار الشباب و الصبايا الي يكونو على سن صغير ما بدنا نقلل من اهمية هاي الامور.
ربنا يحفظ الجميع والرجوله على سلامتك حبيبنا
